TAFARI WATKIS TOUCH DOWN WITH A NEW VIDEO FOR RASTA TOUCH DOWN

FAIM Hub | June 28, 2021

Tafari Watkis & BLAAC Lionss touch down to rhatid wid a blertsnawt new music video fi him track weh him release wah day name, Rasta Touch Down. Yes Tafari Watkis & BLAAC Lionss, di reggae vibration is definitely inline wid dah one yah!

Di visuals complement di lyrics; di song and di video mek sense togedda rasta….mi love how it look and how it sound and di feel good vibe weh it gi…a bigga vibration inna di ting. Di Ancestors will love dah one yah…yes iyah…cause yuh can feel di spirituality inna di music as di artiste connect and vibrate wid di rhythm. Di instrumentals dem bring on a mellow vibes to enuh rasta. Di people dem ready fi dah one yah! Di rastaman seh him a , “Elevating Jah people to a higher dimension” wid some high energy!

Dah one yah a fi di ones dem weh know wah time it is and know which vibration fi latch een tuh…“Di reggae vibration is in line…The people seh they’re ready for I“. If you love and appreciate good clean and iritical reggae music…den dah one yah a fi yuh….check it out…ketch di vibe and mek sure yuh stay connected wid faimhub.com fi more from Tafari Watkis & BLAAC Lionss. Mek sure fi check out him upcoming performances pon di Events page enuh; mek mi tell yuh, since di release of di single, “Rasta Touch Down”, Tafari Watkis & BLAAC Lionss been well busy performing and preparing fi di release of his upcoming album, “The Journey”.

Tafari Watkis – Rasta Touch Down [Official Music Video 2021]

Prior to di release of “Rasta Touch Down“, the artiste did also released singles such as, “Can’t You See It“, “Who Dem A Pree” and “Rootz Dawtah” from The Journey, to be released by mid-summer of this year. If yuh wah learn more bout Tafari Watkis music check out him artiste profile. Yuh can ketch Tafari Watkis & BLAAC Lionss live at any one a dem upcoming performances, wedda it be at di The Conference Room, Music Alley or the Peninsula Lounge, fi more info just click on di flyer dem below, visit di FAIM Events page to see more upcoming events or click the Events tab on the artiste profile. Tek care and walk good.