Letters To My Love – aDUBta & The Black Oak Roots Allstars
STAR VYBZ – “76.1FIRE – TARGET BOARD” WITH FIRE76.1FM
Star Vybz – “76.1FIRE-Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.
We put di topic pon di “target board”, wi nuh care a fuck a who; and wid love inna wi heart wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, in a time weh wi inna.
Suh, jus like wid di new music we a guh reason pon below, wen wi a reason bout it and wid any odda chuun, wi always a look fi see if is a feel good song…how yuh feel wen yuh done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:
LETTERS TO MY LOVE
New Music Released by Oneness Records
aDUBta & The Black Oak Roots Allstars present dem second single, “Letters To My Love”, from dem soon-to-be-released album, Sounds From The Attic. Dis time around dem team up wid former Pentateuch lead singer, Var Hillsman fi create “Letters To My Love”. Todeh, “Letters To My Love” a di topic pon di Target Board
Di single was co-produced by King Huha while di vinyl edition of di album, which have four exclusive dub versions, was mixed by Umberto Echo and dem ongle available pon wax! Yuh can pre-order yuh copy of di Sounds From The Attic LP if yuh can afford to duh suh, right yah suh. Up to you.
LISTEN / STREAM LETTERS TO MY LOVE
STAR VYBZ | 76.1FIRE – DI TARGET BOARD:
The Korner: Would you play aDUBta & The Black Oak Roots Allstars’ “Letters To My Love” on your internet radio?
FIRE 76.1FM: Yea man…mi like it is a nice song.
The Korner: Would you add it to your own personal playlist?
FIRE 76.1FM: Maybe, if di energy call fi it.
The Korner: Why?
FIRE 76.1FM: Mi like di positivity inna it and di conscious awareness weh it project.
The Korner: Would you recommend “Letters To My Love”?
FIRE 76.1FM: Definitely.
The Korner: Why?
FIRE 76.1FM: Fi di same reason mi wudda add it to mi personal list. Firstly, the song have a calming start, yuh nuh…greeting di spirit wid a calming energy plus di vocals come een soothingly pon di riddim, complimenting di words and giving off a nice feel good energy from di get go. Lace wid positive & uplifting words, good flow and melody, it a wah mi wudda call, sweet reggae music and even more thumbs up cause it a see woman inna more positive vibration and den drop a few more thumbs-ups pon di pile fi di part weh seh, “…you and I got life to live…raise the child that Jah-Jah give. Jah-Jah bless our children baby…”. And while yuh at it, guh find it over YouTube and jus fling a barrage ah thumbs up pon di song and mek sure nuff drop een fi di parts dem weh seh, “I hope that you won’t change…and your loving will remain…In the hardest times, kisses makes it better…” The artiste show strength of character wid, “I know that there are days we could have gone our separate ways…But we beat the odds and make it through the weather…” lol…Sound like mi love dah one yah don’t it? Yea man…dah one yah a feel-good song. Overall is a nice reggae love song. It irie! Mi like it.
The Korner: Pon di NYMBA Flow FEEL-GOOD SONG scale, how many feel-good stars you think “LETTERS TO MY LOVE” would recieve?
FIRE 76.1FM: Maybe 6-7
Other recently released single by Oneness Records:
Original Style – Treesha & Tóke * From Day One – Fyah T
NYMBA Top 10 Feel-Good Songs * NYMBA High Vibration Songs * FAIM Hub Radio
Like, share and follow FAIM on our social media platforms.
