Rasta Yute – Tafari Watkis
STAR VYBZ – “76.1FIRE – TARGET BOARD” WITH FIRE76.1FM
Star Vybz – “76.1FIRE – Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.
We put di topic pon di “target board”, wi nuh care a fuck a who; and wid love inna wi heart, wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, in a time weh wi inna.
Suh, jus like wid di song we a guh reason pon below, wen wi a reason bout it and wid any odda chuun, wi always a look fi see if is a feel good song…how yuh feel wen yuh done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:
RASTA YUTE
Released on the House of Joy Creations Label
Taken from Tafari Watkis’ debut album, The Journey, released in August of 2021, “Rasta Yute” is a high energy up-tempo kinda chuun wid a irie vibe and todeh wia guh vibe wid it pon Star Vybz “76.1FIRE – Target Board”.
Released on his House of Joy Creations label, Tafari Watkis exhibit some high energy vocals pon dah track yah and from it come cross wi radar especially wid such high vibes attach to it, wi haffi put it to di test and fling some darts up inna it raas. So, today’s topic “Rasta Yute“ by Tafari Watkis is now pin-up pon di Target Board!
LISTEN / STREAM RASTA YUTE
STAR VYBZ | 76.1FIRE – DI TARGET BOARD:
The Korner: Would you play Tafari Watkis’ track, “Rasta Yute“ from his album The Journey on your internet radio?
FIRE 76.1FM: How yuh mean…den nuh mus! di way how di vibe tun up inna di song mi have dat pon repeat!
The Korner: Would you add it to your own personal playlist?
FIRE 76.1FM: hahaha…it di deh deh aready…hehehe…and dem betta mek sure mi get di fus copy a di remix! lol.
The Korner: Wah…a suh yuh love it?
FIRE 76.1FM: Den hol’ on deh…yuh nuh listen it? Tell mi seh it nuh mek yuh wah git up and dance….it full up a vibes man mi love it….is a feel-good chuun and di artiste a show nuff respect to woman inna di song and mi love dat! From di song start him representing as a rasta yute weh any royal and dignified empress wudda wah fi have up…yuh nuh hear weh him seh? Aight mek mi tell yuh…hear weh him seh inna di intro;
“A di Rasta man a chant
Tafari representing
Let it be known
She nuh waa nuh clown
She nuh waa nuh misa nice
No come around
Militancy she found
A the talk a the town
Mek mi tell yuh weh shi want enuh”
And him proceed fi tell yuh weh she want enuh…inna di chorus right after dat…guh listen it again…haha
The Korner: Would you recommend “Rasta Yute”?
FIRE 76.1FM: Of course…den nuh mus!
The Korner: Why would you recommend it?
FIRE 76.1FM: Yuh really ah ask why? Hahaha…aight hear wah, yuh si fi me, di song a speak to a woman weh balance inna harself and want a good man weh him too is balance inna fi himself….thus inna di song him himself a represent a man dat is equally balance and it nuh stop deh suh…it also giving di unbalance man an idea of the righteous balance dat a woman weh stand firm inna har standards and principles a look fah inna a man and vice versa…it nuh hard fi ovas…it simple, as him explain inna verse 1;
“She nuh waa nuh actor
No nuh imposter
She nuh waa nuh baldhead
Give har the rasta
Natural energy we have up inna fi wi back saa
Spurlina medina
Empress so clean
Suh she na fi guh a doctor
Promiscuity she divert from that factor
Full a quality
She have the skill the knowledge’s
So she caa get fi har heart fracture
She like how mi bill
So mi keep it still
A many a night
We guh chill up inna the hill
She’s a empress
Really fortunate and discipline”
The Korner: True talk, mi agree wid yuh fi real….Play it again fi mi deh…lol…mi love how it mek mi feel when mi a listen it.
FIRE 76.1FM: Hahaha…one more time pon wi earsdrum dem…
The Korner: What are some of the word-sounds dat stand-out to you inna di delivery of di song?
FIRE 76.1FM: From di intro word-sounds a echo creatively inna di song and if mi never have di lyrics fi look pon yuh woulda tink him a seh sup’m different. For example, in a verse 1 weh him seh, “Natural energy we have up inna fi wi back saa“. The play on words through out song really stand out and mi particular love verse 2, cause nuff word play in deh, for example di part dem weh him seh;
“…King tafari
Yeah!
She have inna she plan
Inseparable no long division
Me plus the empress equal a little one
Beat up the binghi
Allala lilli long….”
“…Long distance stunner
Short distance splirt
Fi we love full a sparks
Starlight burst…”
“…Militant from me born
Rasta a real youth
Empress love off the ital peas stew
Get peanut already
Now she waa peas too.”
The song a shot yah man…kick out like a tornedo…haha…
The Korner: Suh weh yuh seh, dah one yah a definitely guh pon yuh catalog?
FIRE 76.1FM:…A weh di raas duh yuh….if it a guh pon mi catalog? A weh yuh a chat bout man….it deh deh aready! Guh check it out pon di Feel-Good-Songs chart. Yuh nuh see a good woman feel-good chuun…and mi love it nuh bloodclawt! Yea man, a full time wi earsdrum dem get caressed by some good bumbaawt chuun weh nah degrade woman and jus a focus pon so-so sexual lust. Some a dem song deh weh some low vibration artistes seh dem a sing fi woman sound more like a war dem a war woman inna dem song….dem song deh subconsciously and consciously lower woman vibration…if yuh wah see it, yuh see it….wi dash weh dem bumboclawt vibration deh fi dem type a chuun yah weh a elevate woman weh have up some higher standards…fya fi dem and dem whole heap ah fuck song widout substance….dem fi gweh wid dat…real man wid real love fi real woman know how fi caress wi eardrums wid sweet uplifting lyrics pon some high vibrational feel-good frequencies….a wah duh dem…kundalini fya cyah latch een to some a dem fuckery deh weh dem a sing and call it “gal” chuun…a “gal” dem a sing fah, nuh real woman! Mek dem move dem likkle low vibrational raas from wi airwaves…wi ears hole tyad a dem….Tafari Watkis tun up di feel-good energy loud inna “Rasta Yute“ and it deh a di top a mi blertsnaut catalog….memba dat bloodclawt hahaha!
The Korner: Pon di NYMBA Flow FEEL-GOOD SONG scale, how many feel-good stars you think “RASTA YUTE” would receive?
FIRE 76.1FM: A 10 stars it capture…as a matter ah fact….a it weigh een at number one pon Nymba Top 10 favourite feel-good songs fi di month of May. Check out di ratings & where di song is currently position pon wi High Vibration Songs list weh update monthly.
TOP FAV FEEL-GOOD SONG FOR MAY | RASTA YUTE – TAFARI WATKIS
Other Songs Featured on 76.1FIRE – TARGET BOARD:
Roots Rasta Man * African Queenwoman – Jahmark & the Soulshakers * From Day One – Fyah T
Original Style – Treesha & Tóke * Letters To My Love – aDUBta & The Black Oak Roots Allstars
NYMBA Top 10 Feel-Good Songs * NYMBA High Vibration Songs * FAIM Hub Radio
Like, share and follow FAIM on our social media platforms.
