Music News Music Review Pon Di Korner Reggae Dancehall Music THE KORNER Video Premiere

RYTRUST VYROUS PREMIERES FLAMING MUSIC VIDEO FOR FREEDOM OF SPEECH

FAIM Hub | November 11, 2022

Rytrust Vyrous premieres a fiery music video to complement his burning hot single, “Freedom of Speech” featuring Tafari Watkis on The Korner on Friday, November 11 and mek mi tell unuh sup’m nuh…di song ah bun fya and di video ah blaze it up further. Mi nuh know bout unuh enuh but ah suh mi like fi see video complement song, especially message music weh a shine di floodlight pon di evil system weh ah try control wi bloodclawt energy fi demself. A who dem?

Freedom of Speech
Di BLAAC Lions dem roar loud inna dah one yah! Oh yes man! Rytrust Vyrous and Tafari Watkis trample di bumboclawt dragon and di beast wid every bar, every line and every stanza. Bumbawt…if unuh love free speech weh a blaze truth den unuh a guh love and respect di message inna dah reggae/dancehall track yah, as di artiste dem blaze it up pon dutty government and corruptive police weh a breach wi constitutional and human rights to di satisfaction ah dem puppet masters.

“Wi nuh got nuh more freedom of speech
When wi talk up di government send police now
Dem a chat bout go up inna di jeep
Suh right now every truth a reveal”

If a one ting good come outta dem plandemic is dat who fah yeye fi open, get tear wide open to di reality of wah dem government really a galang wid, to rassclawt. It nuh need glasses fi si seh government all over di bumboclawt worl’ a sell out dem people fi nickel and dime and it nuh stop deh suh…nuff get fi see seh dem government a puppets being controlled by a higher hidden hand and suh therefore dem nuh have di people dem interest at heart cause dem ah some weak heart low vibrational bumboholes sitting up inna wi parliament ah portray like dem good. Parasites dem and as much as dem try fi censor and gag good people from crying out under di pressure dem couldn’t bumboclawt do a ting fi stop “Freedom of Speech”. Word…sound…power floating up inna di bloodclawt ethers and bun fya pon dutty parliamentarians’ raasclawt and dem gangsta/mafia syndicate weh dem call police force.

“Freedom of Speech” by Rytrust Vyrous feat. Tafari Watkis

Di lyrically infectious Rytrust Vyrous’ “Freedom of Speech” ah blaze di truth epidemic pon a sweet House of Joy Creations riddim coming through pon di revolutionary BLAAC LIONSS label. A FAIM Hub production, the artiste who is also managed by FAIM, join forces wid another FAIM artiste inna di BLAAC LIONSS camp, the prolific reggae artiste, Tafari Watkis base in California and together dem trample di dragon and di beast in dis powerful track “Freedom of Speech”, mek sure fi check out di video below.

Rytrust Vyrous – “Lyrically Infectious”

Embracing and harnessing the positive energy of free speech wholeheartedly, di artistes blaze up di fya pon wicked people uncompromisingly, protesting di system wid di power and di energy of sweet Reggae music.

Tafari Watkis – “Ital Roots Rastaman”

Rytrust Vyrous’ “Freedom of Speech” featuring Tafari Watkis is laden wid lyrical bullets, addressing different areas of corruption that currently exists under dutty JLP government dung a yaad. Not dat dutty PNP can do any better…dem wussahra! Nuh badda tink seh cause dem nuh inna so-called power now dem ah any good alternative…not a raas! Dem is di opposing factor inna di equation, balancing out di vampiric system inna wi land. A donkey years dem did siddung inna wi parliament and ah fatten dem vampire massas weh colonize wi land fi how long. “Freedom of Speech” is a perfect fit in dis time, as it tackles multiple issues (weh nuff shy weh from) including the social injustice meted out to di Rastafarian sista, Nzinga King weh dutty babylon violate when dem cut off har locks during dem scamdemic and di dutty Director of Public Prosecutions (DPP), Paula Llewellyn she, ruled dat di evil police corporal weh dweet should not be charged. Fya tun up pon fi har bloodclawt eena di song….she couldn’t escape…cause she nuh good, suh di Rytrust Vyrous inject some purification venom up inna har unrighteous bumboclawt!

Yeah man! Di Rytrust one gash a fya pon dem nastiness when him seh,

“My body my choice my freedom
Officer stop pree mi an guh pree gun
Mount a life yuh tek tru dem a pree fun
Plus Enzinga hair weh unuh trim dung”

And den furda dung, di roots rastaman, Tafari Watkis unleashed and blaze up di fya some more pon dem wid,

“Wat is yuh position dutty Babylon
Trim I locs an a laugh
Wat is yuh position dutty Babylon
Now yuh wah fi tek mi 3 points
Exploitation, brutalized
Scrutinized, victimized
Westernized, vandalized
Dat nuh right!”

Di Rytrust Vyrous was lyrically potent wen him seh,

“Yuh cyah tell mi fi shut up
After a nuh me mek gunshot a buss up
Tell mi! Wen last yuh guh inna di ghetto
We nuh fowl we nuh common nuh come fi tek pressure”

Dutty politicians and corrupted police fi cringe unda dah chuun yah! Causen seh, a nuh just di lyrics alone…blertsnaut….di energy inna di video tun up di song some more wid some bumbawt visuals weh connect wid every rhyme as di artistes dem spit fya pon di sweet reggae riddim. From start to finish fya literally a blaze up unda evil vampire cackahole wid Rytrust and Tafari word sound power!

Rytrust Vyrous – Lyrically Infectious

Rytrust Vyrous featuring Tafari Watkis a send some powerful vibration up inna ethers wid “Freedom of Speech”; yea man di frequency tun up pon some sweet authentic Jamaican Reggae-dancehall vibration.

Wi all a fi fulfill wi moral obligations as human beings inna dis yah time; fighting back against an evil system that is dying but doing everything fi stay alive. Free speech a wi power, wi Ancestors a wi backative. The world has gone mad and di craziness is being controlled by some-one or “some-twos” wid puppet politicians dangling at di end a dem strings.

Wi need a whole heap more fya burning Reggae and dancehall artistes fi buss some word sound power energy up inna di atmosphere pon di evil amongst us and what better way to do it than wid a powerful song such as “Freedom of Speech” and its complementary visuals. The music video will be released on FAIM Hub’s YouTube Channel tomorrow, November 12, check out the premiere below:

Big up Rytrust Vyrous and Tafari Watkis fi dah fya chuun yah! The track, “Freedom of Speech” was officially released on Jul 13 and is available on all major platforms. A lyric video was also released alongside the track, check it out here. Recently Jus Seh It! LOUD had a chat with both artistes on their upcoming programme “15 Minutes of FAIM”, check out the audio clips below as Rytrust and Tafari share the story behind their “Freedom of Speech” collaboration. Full interview will be published on FAIM’s iVYBZ TV later this month. Watch this space for updates.